Konkretisht, presidenti i SNSD-së, Milorad Dodik, shpalli fitoren në një konferencë për shtyp në Banja Luka, pas së cilës foli vetë Karan.
“Sa herë që ishte më e vështira, populli serb fitoi. Falënderoj të gjithë qytetarët që e njohën këtë moment dhe votuan për RS-në. Faleminderit Dodikut dhe politikave që ai ka udhëhequr për 23 vjet, me partnerët tanë të koalicionit. Populli serb dhe RS-ja mund të durojnë çdo gjë, por ata kurrë nuk kanë duruar poshtërimin e të huajve. Populli serb është i vendosur në përgjigjen e tij: Jo për asnjë uzurpator. Paqja dhe stabiliteti janë përparësia jonë dhe ata që votuan kundër duhet të marrin pjesë në këtë”, tha ai.Ai i bëri thirrje opozitës ta pranonte humbjen me dinjitet dhe u tha atyre se populli e njohu “momentin kombëtar”. Karan përfundoi fjalimin e tij duke thënë se RS nuk është kërcënim për askënd dhe njoftoi se ky entitet “do të luftojë edhe më fort kundër atyre që duan ta dëmtojnë atë”. Sipas tij, ata do të vazhdojnë me forcë edhe më të madhe aty ku e lanë.
