Garueset e Kosovës kanë shkëlqyer në ‘Podgorica Junior European Cup 2025’, duke u ngjitur në podium dhe duke i sjellë vendit tri medalje të rëndësishme në konkurrencën ndërkombëtare të xhudos.
Në kategorinë -57 kg, Enise Zijade siguroi medaljen e argjendtë, pas një paraqitjeje të shkëlqyer gjatë gjithë garës.
Po ashtu, në kategorinë -52 kg, Laurinë Gashi u rendit e dyta, duke fituar një tjetër medalje të argjendtë për Kosovën.
Ndërkohë, Sidorela Dodaj, në kategorinë -57 kg, arriti të sigurojë medaljen e bronztë, duke kompletuar suksesin e ekipit kosovar.
Ky është një tjetër rezultat i rëndësishëm për xhudon kosovare, e cila vazhdon të tregojë potencial të madh dhe prezencë të fortë në arenën evropiane të këtij sporti.
