Kreu i Lidhjes Demokratike të Kosovës (LDK), Lumir Abdixhikut, dhe ministri në detyrë i Financave, Hekuran Murati kanë vazhduar përplasjennë rrjetet sociale lidhur me “mosvotimin e buxhetit të Komunës së Prishtinës për vitin 2025”.
Përmes një postimi në Facebook, Murati thotë se “po ta kishit votuar buxhetin e Prishtinës në seancën e fundit, sot Komuna e Prishtinës do ta kishte në dispozicion buxhetin e plotë dhe fare s’do të kishte probleme me buxhet”.
Pas kësaj kryetari i LDK-së, Lumir Abdixhiku i është kundërvënë ministrit nga radhët e Lëvizjes Vetëvendosje, Hekuran Murati, duke e akuzuar qeverinë se e ka bllokua Kryeqytetin duke e lënë atë pa buxhet.
“Prishtinën e bllokuan. Dhe Prishtina foli e para, foli qartë. LDK-në e riktheu si parti të parë; bllokuesit i la larg. Mesazhin e Prishtinës nuk e paskan marrë qartë. Do ta marrin me 28 dhjetor sërish. Sepse Prishtina as nuk lakmohet e as nuk përdoret për beteja primitive të Don Kishotit me Sanço Pançot e tij. Mund të bllokoni. Mund dhe të pengoni; sepse vetëm kaq dini, vetëm kaq mundeni. Por propaganda nuk e mund të vërtetën dot. Për 12 muaj të tërë, sikurse nën pushtim, e mbajtët Kryeqytetin pa buxhet”, shkruan Abdixhiku.
Ai shton se u dashtë të shpenzojnë energji e kohë që të mirëmbajnë Prishtinën sipas tij të , të plaçkitur nga “një sekt popullist që shkatërrimin e vendit e ka mision”. “Teksa shpërndanin vitra për votë; pa ligj e pa legjitimitet, për Prishtinë, Kryeqytetin e vendit të vet, në llumin e madh të burokracisë vazhduan ta mbajnë për plot një vjet”, ka shkruar pos tjerash Abdixhiku në Facebook.
