Shërbimi Korrektues i Kosovës njofton se sot, në Qendrën Korrektuese të Dubravës, është parandaluar një tentim për futjen e sendeve të kundërligjshme brenda institucionit.
Aksioni u realizua gjatë një bastisjeje në zonën sterile, në bashkëpunim me institucionet e sigurisë dhe NJIK-un, dhe rezultoi i suksesshëm.
Gjatë kontrollit, zyrtarët korrektues identifikuan tre pako që përmbanin sasi të dyshuara narkotike, si dhe katër telefona celularë pa numra serik, dy iPhone, një Samsung dhe një Viko, së bashku me dy adapterë telefoni.
Për rastin është njoftuar policia, e cila ka sekuestruar materialet e gjetura, ndërsa Shërbimi Korrektues i Kosovës ka iniciuar hetimet për zbardhjen e plotë të ngjarjes.
ShKK thekson se mbetet i përkushtuar në rritjen e sigurisë dhe parandalimin e kontrabandës brenda institucioneve korrektuese.
