Gjykata Themelore në Pejë ka dhënë vendimin në një rast të rëndë të tentativës për vrasje, duke dënuar të pandehurin A.H. me 6 vite burgim efektiv.
Sipas komunikatës për media, trupi gjykues i kryesuar nga gjyqtari Armend Lokaj dhe anëtarët gjyqtarë Sami Sharraxhiu dhe Petrit Nrecaj vendosi që A.H. të dënohet me 6 (gjashtë) vite burgim efektiv për veprën penale “Vrasja e mbetur në tentativë”, nga neni 172 lidhur me nenin 28 të Kodit Penal të Republikës së Kosovës.
Gjykata thekson se “kundër këtij aktgjykimi, palët kanë të drejtë ankese në afat prej 30 ditësh nga dita e pranimit të aktgjykimit, përmes kësaj Gjykate, pranë Gjykatës së Apelit në Prishtinë.”
