Presidenti shqiptar, Bajram Begaj, ka përcjellë urimin e presidentit amerikan, Donald Trump me rastin e përvjetorit të Pavarësisë së Shqipërisë.
“Ndihem i nderuar t’u përcjell përshëndetjet e Presidentit Trump shqiptarëve për Ditën e Pavarësisë. Faleminderit SHBA, dhe faleminderit Donald Trump për mesazhet e ngrohta dhe pozitive në këtë ditë të rëndësishme”, ka shkruar ai në X.
Më tej Begaj ka thënë se Shqipëria mbetet e përkushtuar për të punuar me Shtetet e Bashkuara në prioritetet e përbashkëta.
“Shqipëria gjithmonë ka qëndruar dhe do të qëndrojë gjithmonë përkrah Shteteve të Bashkuara”, vazhdoi presidenti shqiptar.
