Konkretisht, duke folur në konferencën për shtyp pas takimit me kryeministrin e Letonisë, presidenti i këtij vendi, Edgars Rinkevičs, tha se shteti duhet të marrë parasysh çdo vendim që do të kontribuonte më tej në siguri.
Njëra prej tyre është heqja e hekurudhës për në Rusi.
“Nuk mund të përjashtojmë asnjë mundësi për forcimin e mbrojtjes dhe sigurisë kombëtare, por vendime të tilla duhet të merren duke përcaktuar si afatin kohor ashtu edhe fushëveprimin e punës dhe duke vlerësuar se çfarë do të thotë kjo për aspekte të ndryshme socio-ekonomike”, tha presidenti i këtij vendi.
Me këtë rast, zëdhënësja e Ministrisë së Punëve të Jashtme të Rusisë, Marija Zakharova, reagoi shkurt për gazetën Komsomolskaya Pravda, duke komentuar njoftimet nga Riga.
“Me sa duket, atyre u duhen shtratat për ngrohje,” tha ajo.
Më 15 tetor, Letonia lançoi një sistem elektronik të radhës me pagesë për kalimin e kufijve të jashtëm të vendit me Rusinë dhe Bjellorusinë.
Futja e një sistemi elektronik të radhës me pagesë synon të përmirësojë sigurinë në pikat kufitare dhe të parandalojë bllokimet e trafikut.
Letonia më parë e zgjati ndalimin e fluturimeve pranë kufijve me Rusinë dhe Bjellorusinë.
