Kosovës ka shënuar fitore në basketboll ndaj Shqipërisë, duke triumfuar 99:84 në ndeshjen e parë të raundit parakualifikues për EuroBasket 2029, e zhvilluar të dielën mbrëma në Shkodër.
Kosova e nisur ndeshjen më, duke krijuar shpejt epërsi dyshifrore. Dardanët e kanë fituar çerekun e parë 25:14 dhe të dytin 19:14, duke shkuar në pushim me 16 pikë avantazh (44:28).
Në pjesën e dytë ekipi kosovar e ka mbajtur kontrollin e plotë të lojës, duke mos e lënë Shqipërinë asnjëherë të afrohej seriozisht në rezultat.
Kapiteni Dardan Berisha ka qenë lojtari më i dalluar i ndeshjes me 35 pikë, gjashtë asistime dhe tri kërcime. Erjon Kastrati ka shtuar 21 pikë, ndërsa Drilon Hajrizi ka kontribuar me 15 pikë e shtatë kërcime. Lojë solide ka pasur edhe Dardan Kapiti me tetë pikë e tetë kërcime, si dhe Mikaile Tmusiq me shtatë pikë, katër kërcime dhe tri asistime.
Te Shqipëria, më i miri ka qenë Juljan Hamati me 19 pikë dhe dhjetë kërcime, ndërsa Eldi Hysa ka shënuar 12 pikë, nëntë asistime dhe pesë kërcime.
Në të njëjtin grup ndodhet edhe Sllovakia, e cila më herët e kishte mposhtur Shqipërinë 73:63. Ndeshja e radhës për Kosovën zhvillohet më 27 shkurt të vitit të ardhshëm kundër Sllovakisë. Cikli parakualifikues përfundon më 5 korrik, dhe vendi i parë, si dhe vendi i dytë më i mirë nga tri grupet, avancon fazën tjetër.
