Franca dëshiron që pensionistët jo-anëtarë të Bashkimit Evropian, të cilët aktualisht përfitojnë nga sistemi publik i kujdesit shëndetësor të Francës, të fillojnë të paguajnë për të. Kjo do të prekte veçanërisht amerikanët.
Pensionistët nga jashtë vendit që ëndërrojnë të kalojnë vitet e pensionit nën diellin e Rivierës Franceze mund të duhet të rishqyrtojnë planet e tyre nëse hiqet kujdesi shëndetësor falas, vëren Politico.
Franca dëshiron që pensionistët jo-anëtarë të Bashkimit Evropian, të cilët tani përfitojnë nga sistemi publik francez i kujdesit shëndetësor, të fillojnë të paguajnë për të.
Kjo, siç u tha, do të prekte veçanërisht amerikanët që zgjedhin Francën si destinacion.
Sipas ligjit aktual francez, qytetarët jo-anëtarë të BE-së që nuk punojnë dhe kanë një vizë afatgjatë dhe mund të vërtetojnë se kanë të ardhura të mjaftueshme nga një pension ose kapital (mbi 23,000 euro në vit), si dhe sigurim shëndetësor privat, pas tre muajsh, mund të marrin “carte vitale” që u jep atyre akses falas në kujdesin shëndetësor publik francez. Megjithatë, pasi të kenë marrë këtë “carte vitale”, ata mund të anulojnë sigurimin e tyre të mëparshëm shëndetësor privat dhe të përfitojnë nga sistemi publik i kujdesit shëndetësor të Francës.
Shumica e ligjvënësve francezë duan t’i japin fund kësaj situate dhe që pensionistët nga jashtë vendit të fillojnë të paguajnë të paktën një kontribut minimal.
Diskutimi vjen në një kohë kur Franca po përpiqet të shkurtojë shpenzimet dhe të ulë deficitin buxhetor në 5% të PBB-së.
