Ajo u shpreh se aty takoi njerëz që, me forcën dhe vullnetin e tyre, tregojnë çfarë do të thotë guximi. “Aty ku shumë shohin barrierë, ata ndërtojnë ura, aty ku të tjerët lodhen, ata vazhdojnë përpara me besim”, tha Osmani.

Presidentja e cilësoi Handikosin si vatër të komunitetit që punon çdo ditë për të drejta, barazi dhe gjithëpërfshirje, duke theksuar respektin për personat me nevoja të veçanta.

“Respekt për personat me nevoja të veçanta, të cilët na e kujtojnë se vlerat më të larta të një shoqërie maten me mënyrën si i trajtojmë ata që kanë më së shumti nevojë për mbështetje”, shkroi presidentja Osmani në Facebook.