Komisioni Qendror i Zgjedhjeve (KQZ) ka njoftuar se po zhvillon aktivitetet informuese përmes shtandeve në komunat e Kosovës, me qëllim informimin e qytetarëve rreth zgjedhjeve të parakohshme për Kuvendin e Kosovës, të cilat do të mbahen më 28 dhjetor 2025.
Shtandet informuese ofrojnë mundësinë për të marrë informacion mbi mënyrën e ushtrimit të së drejtës së votës, duke ndihmuar qytetarët të jenë të përgatitur për procesin zgjedhor.
KQZ, përmes një postimi në Facebook, thekson se votimi është e drejtë dhe përgjegjësi qytetare, duke ftuar qytetarët që të informohen me kohë dhe të sigurojnë pjesëmarrjen aktive në votime më 28 dhjetor.
