Nikolla Sandulloviq, politikani nga Serbia, ka reaguar pas betimit të kryetarëve të komunave në veri të Republikës së Kosovës, dhe sipas tij betimi para flamurit të Kosovës nga ana e liderëve komunalë serbë është dëshmi dhe tregon se Kosova është shtet i pavarur dhe se serbët në autoritetet e tyre komunale e njohin atë si të tillë.
Ai ka shkruar në “Facebook” se të gjithë dhjetë kryetarët e komunave me shumicë serbe në Kosovë, të rizgjedhur nën presionin e Listës Serbe dhe në një atmosferë frike e shantazhi, kanë dhënë betimin e tyre ndaj shtetit të Kosovës.
Sipas tij, ceremonia është zhvilluar pa negociata dhe pa përdorim force, me intonimin e himnit të Republikës së Kosoves.
”
Të gjithë krerët e rinj të komunave serbe, ku shumica e popullatës serbe është në ato komuna ku kanë fituar pushtetin, janë betuar nën himnin e shtetit të Kosovës, Kushtetutën e saj dhe presidenten e Kosovës Vjosi Osmani. Në Serbi këto video nuk luhen në mediat e Vuçiqit, por në rrjetet sociale fjalimet imbecile të presidentëve të rinj të Vuçiqit të atyre komunave të pushtuara që e lartësojnë fitimin e pushtetit si kthimin e këtyre komunave në Serbi!
Paraqitjet e tilla të përfaqësuesve të organizatës kriminale serbe nën emrin “Serpska Lista”, vetëm sa i thellojnë shpresat e rrejshme të nacionalistëve serbë që ëndërrojnë ta pushtojnë Kosovën në ndonjë konflikt të ri me shqiptarët dhe t’ia aneksojnë Serbisë! Pohoj se pas çdo gjëje që “Lista Serbe” e udhëhequr nga kriminelët, vrasësit dhe terroristët e Vuçiqit i ka bërë popullit serb dhe shqiptar në Kosovë, DUHET DHE DUHET TË NDALOHET PËRGJITHMONË SI STRUKTURË POLITIKE DHE TË KARAKTERIZOHET SI ORGANIZATË TERRORISTE KRIMINALE QË ISHTE, ËSHTË DHE DO TË JETË SA TË EKZISTOJ!”
