Lëvizja Vetëvendosje ka publikuar listën e kandidatëve për deputetë për zgjedhjet e ardhshme parlamentare. Me këtë, LVV u bë subjekti i fundit politik që e bën publike listën e saj garuese.
Në krye të listës renditet kryetari i partisë, Albin Kurti, i pasuar nga kryetari i Kuvendit, Glauk Konjufca, dhe ministrja e Punëve të Jashtme, Donika Gërvalla.
Lista përmbyllet me kandidatin Salih Zyba, duke finalizuar kështu përbërjen që partia do ta prezantojë para votuesve në garën zgjedhore.
