Dy persona raportohen të zhdukur në Kosovë brenda 24 orëve të fundit.
Dy raste të zhdukjes janë evidentuar nga Policia e Kosovës, njëri në Prishtinë dhe tjetri në Skenderaj.
Sipas raportit policor, në Prishtinë është raportuar zhdukja e një burri kosovar, i cili ka dalë nga shtëpia dhe që nga ajo kohë familjarët nuk kanë informacione për vendndodhjen e tij.
Rast i ngjashëm është raportuar edhe në Skenderaj, ku një grua kosovare është larguar nga banesa të njëjtën ditë dhe nuk dihet ku ndodhet.
Policia ka bërë të ditur se po ndërmerren të gjitha veprimet e nevojshme hetimore për gjetjen e të zhdukurve.
