Në mbikalimin në qytetin Rialto, në shtetin amerikan të Kalifornisë, u regjistrua një moment i tmerrshëm kur një kamionetë doli nga ura dhe ra në rrugën poshtë, duke goditur një automjet tjetër.
Incidenti u kap nga një kamera në makinë dhe ndodhi në Qarkun e San Bernardino-s.
Pamjet tregojnë një kamionetë që del nga një mbikalim pranë daljes së Ayala Drive dhe përplaset drejtpërdrejt me një SUV që udhëtonte në Autostradën 210. Aksidenti ndodhi të premten rreth orës 6:30 të mbrëmjes sipas orës lokale.
Zyrtarët thanë se shoferi i kamionetës u plagos, por ishte i vetëdijshëm kur shërbimet e emergjencës mbërritën në vendngjarje.
Shoferi i fuoristradës që u përplas nga automjeti është dërguar me urgjencë në spital.
Aktualisht nuk ka informacione të reja rreth gjendjes shëndetësore të drejtuesit të mjetit, ndërsa shkaku i humbjes së kontrollit dhe rrëzimit të kamionit nga mbikalimi është ende i panjohur.
