Në kuadër të programit “Arti në shkolla”, të organizuar nga Ministria e Kulturës, Rinisë dhe Sportit, Kori i Filharmonisë së Kosovës ka realizuar një prezantim artistik, duke afruar muzikën korale me nxënësit dhe hapësirat shkollore.
Nën drejtimin e dirigjentit Hajrullah Syla, kori interpretoi vepra nga kompozitorë të njohur ndërkombëtarë dhe vendorë, përfshirë Eric Whitacre, Jake Runestad dhe Rafet Rudi, duke ofruar një program të pasur dhe edukativ.
Në këtë aktivitet morën pjesë nxënës nga: ShFMU “Xhemail Mustafa”, ShFMU “Ismail Qemali”, ShFMU “Faik Konica”, ShFMU “Naim Frashëri” – Prishtinë, ShFMU “Shkëndija” – Hajvali.
Ky prezantim synon të nxisë interesimin e të rinjve për muzikën klasike dhe artin në përgjithësi, si dhe të forcojë lidhjen ndërmjet institucioneve kulturore dhe arsimit parauniversitar, duke e bërë artin pjesë të përditshmërisë së nxënësve.
