Një inxhinier po lufton për jetën pasi ra 6 metra nga një avion i British Airways.
Punëtori ishte mbrëmë në spital, me gjendjen e tij të përshkruar si “serioze” pasi u perplas në beton.
Ai po shqyrtonte njësinë ndihmëse të energjisë në bishtin e një avioni të parkuar në një hangar në Bazën Inxhinierike të BA në aeroportin Heathrow kur u rrëzua.
Shërbimet e urgjencës u thirrën në vendin e tmerrshëm të aksidentit menjëherë pas orës 2 të mëngjesit të dielën dhe e dërguan me urgjencë inxhinierin në një spital të Londrës .
BA ka nisur një hetim dhe Ekzekutivi i Shëndetit dhe Sigurisë po heton veçmas.
Një burim tha : “Ky lloj aksidenti është tepër i rrallë dhe ka tronditur komunitetin e BA-së.”
“Mekaniku po vlerësonte sigurinë e një avioni reaktiv gjatë një inspektimi rutinë kur papritmas ra të paktën 6 metra ne beton.
“Ai ishte një inxhinier i besuar me një përvojë të patëmetë dhe një hetim do të përcaktojë se si mund të ketë ndodhur kjo.”
“Vërtet nuk dukej mirë dhe të gjithë po luten për të.”
