Demokratja Eileen Higgins ka fituar zgjedhjet për kryetar bashkie në Miami, një qytet që nuk ka pasur një kryetar bashkie demokrat që nga fundi i viteve 1990.
Ky është parashikimi i CNN-së.Higgins mundi republikanin Emilio Gonzales dhe do të jetë kryebashkiaka e parë demokrate e qytetit që nga viti 1997.
Fitorja e saj në një Florida të dominuar nga republikanët është një goditje për Donald Trump dhe republikanët. Higgins jo vetëm që do të jetë demokratja e parë që do të udhëheqë qytetin në 30 vjet, por edhe gruaja e parë që e bën këtë dhe kryebashkiaka e parë jo-hispanike që nga vitet 1990.
“Së bashku, ne kemi kthyer faqen e viteve të kaosit dhe korrupsionit, duke hapur rrugën për një epokë të re për qytetin tonë. Një epokë e formësuar nga lidershipi i përgjegjshëm që jep rezultate”, tha Higgins.
