Policia e Kosovës vazhdon të mbetet një nga institucionet më të besuara nga qytetarët, të cilët çdo ditë i drejtohen për ndihmë dhe bashkëpunim. Një rast i tillë është regjistruar dje në stacionin policor “Qendra” në Prishtinë, ku një qytetar, me inicialet S.P., ka dorëzuar një portofol të gjetur.
Sipas policisë, në portofol kishte një shumë parash dhe dokumente personale, të gjitha të cilat janë identifikuar dhe më pas i janë kthyer pronarit legjitim.
Autoritetet policore kanë vlerësuar lart këtë gjest të qytetarit, duke falënderuar publikisht gjithë qytetarët që bashkëpunojnë dhe kontribuojnë në ndershmëri e siguri.
“Ky është një shembull i sjelljes së përgjegjshme dhe bashkëpunimit të vazhdueshëm me institucionet,” thuhet në njoftimin e policisë.
