Një rrahje ka ndodhur mëngjesin e sotëm në Qendrën e Studentëve në Prishtinë.
Zëdhënësi i Policisë së Kosovës, Enis Pllana, ka konfirmuar për RTKlive se sot rreth orës 09:30 është pranuar një informatë për një rrahje në progres në rrugën “Agim Ramadani” në Prishtinë.
“Me të marrë informatën policia, ka arritur në vendin e ngjarjes dhe ka shoqëruar 3 persona të cilët ishin të përfshirë në rast. Nga informacionet e para dyshohet që një person ka pësuar lëndime trupore dhe i njëjti ka pranuar tretman mjekësor”, ka thënë ai.
Pllana ka bërë të ditur se policia po vazhdon hetimet me qëllim të zbardhjes së rrethanave dhe motiveve që lidhen me rastin.
