Kryetari i Bashkësisë Islame të Kosovës, myftiu Naim Tërnava, ka pritur sot në takim koordinatorin e Zhvillimit të Kombeve të Bashkuara në Kosovë, Stephen O’Malley.
Gjatë takimit myftiu Tërnava fillimisht e uroi O’Malley për detyrën e re, duke i uruar punë të mbarë dhe të suksesshme. Më pas ai e njoftoi O’Malley për projektet, aktivitetet dhe rolin shoqëror të Bashkësisë Islame të Kosovës, duke theksuar angazhimin e institucionit për promovim të paqes, solidaritetit dhe kontributit në çështjet humanitare.
“Nga ana tjetër, O’Malley vlerësoi kontributin e BIK-ut në promovimin e paqes, si dhe shprehu gatishmërinë për ta thelluar bashkëpunimin në fusha me interes të përbashkët”, njofton BIK-u.
