Në prag të festave të Krishtlindjeve, ndodhi një histori me një fund të lumtur. Një grua rumune nga Qarku Neamț, e cila u zhduk pothuajse 17 vjet më parë, u gjet gjallë e mirë dhe u ribashkua me vajzën e saj, shkruan portali rumun Libertatea.ro .
Gruaja u zhduk në vitin 2009, duke lënë pas vajzën e saj atëherë 14-vjeçare. Që atëherë, policia ka nisur kërkime të gjera që kanë përfshirë jo vetëm Rumaninë, por edhe vende të tjera evropiane, por nuk ka pasur asnjë gjurmë të saj për vite me radhë.
U zbulua në kufi
Pika e kthesës erdhi më 9 dhjetor të këtij viti, kur policia kufitare në Timishoara e identifikoi gruan ndërsa ajo po hynte në vend. Sistemi policor e shënoi menjëherë si person të kërkuar. Hetimi zbuloi se pasi u largua nga qyteti i saj i lindjes, ajo kishte ndërtuar një jetë krejtësisht të re në Itali, ku kishte jetuar gjatë gjithë këtyre viteve.
“Një mrekulli e vërtetë e Krishtlindjeve”
Ribashkimi i nënës dhe vajzës pas më shumë se 15 vitesh ishte një moment jashtëzakonisht prekës, me oficerët e policisë që punonin në rastin që e përshkruanin atë si një “mrekulli të vërtetë Krishtlindjesh”.
“Bashkimi i nënës dhe vajzës, pas më shumë se një dekade e gjysmë, mbetet një nga historitë më emocionale të këtij fundviti – një mrekulli e vërtetë e Krishtlindjeve, e mundur falë punës së vazhdueshme të oficerëve të policisë dhe shpresës që nuk u humb kurrë”, tha policia e Neamț-it.
