Komiteti Olimpik i Kosovës (KOK) ka njoftuar se është shënuar një tjetër hap i rëndësishëm drejt avancimit të përgatitjeve për Lojërat Mesdhetare Prishtina 2030.
“Një tjetër hap drejt avancimit të pëtgatitjeve për Lojërat Mesdhetare Prishtina 2030. Kanë përfunduar takimet koordinuese për Lojërat Mesdhetare Prishtina 2030 mes komisionit koordinues të ICMG-së, komitetit organizativ (OCMG), si dhe kompanisë për realizimin e Master Planit, “RC Advisory Group Limited”. Gjatë takimeve u bë prezantimi i Master Planit të LM Prishtina 2030 përfshirë programin sportiv, infrastrukturën, mobilitetin, qeverisjen, buxhetin, menaxhimin e projekteve dhe trashigiminë e Lojërave”, ka shkruar KOK. “Vizita e përfaqësuesve të ICMG-së në Prishtinë shënoi një tjetër hap të rëndësishëm drejt avancimit të përgatitjeve për Prishtina 2030”.
