esë persona u arrestuan sot nën dyshimin për përfshirje në vrasjen e ushtarëve amerikanë dhe sirianë në qytetin e Palmirës , njoftoi Ministria e Brendshme Siriane.
“Njësitë tona kryen një operacion vendimtar preciz në qytetin e Palmirës, pas një sulmi terrorist frikacak të kryer dje nga një individ i lidhur me Shtetin Islamik”, tha Ministria e Brendshme Siriane në një deklaratë.
“Operacioni u krye në koordinim të plotë me Shërbimin e Përgjithshëm të Inteligjencës dhe forcat e koalicionit ndërkombëtar, dhe rezultoi në arrestimin e pesë të dyshuarve, të cilët u referuan menjëherë për marrje në pyetje.”
Kujtohet se tre amerikanë – dy ushtarë dhe një përkthyes – anëtarë të një delegacioni të përbashkët të forcave amerikane dhe siriane, u vranë sot në Palmyra të Sirisë, në një “pritë nga një snajper i Shtetit Islamik”, njoftoi Uashingtoni, me Damaskun që deklaroi se autori i krimit ishte një anëtar i forcave të sigurisë siriane.
