Policia e Kosovës ka raportuar disa raste të dhunës në familje gjatë 24-orëve të fundit fundit, në komuna të ndryshme të vendit, ku të gjithë të dyshuarit janë arrestuar dhe me vendim të prokurorit janë dërguar në mbajtje.
Në Graqanicë, më 15.12.2025 rreth orës 02:00, është arrestuar një mashkull shtetas i huaj, i dyshuar se kishte ushtruar dhunë fizike ndaj viktimës femër, gjithashtu shtetase e huaj.
Ndërkaq, në Drenas, më 15.12.2025, është arrestuar një mashkull kosovar, pasi dyshohet se më 26.10.2025 rreth orës 21:30, përmes telefonit kishte kanosur verbalisht viktimën femër kosovare.
Një tjetër rast është raportuar në Fushë Kosovë më 15.12.2025, ku një femër kosovare ka deklaruar se po përjetonte dhunë psikike nga i dyshuari mashkull kosovar. Edhe në këtë rast, i dyshuari është dërguar në mbajtje me vendim të prokurorit.
Po ashtu, në Prishtinë, më 16.12.2025, është arrestuar një mashkull kosovar, nën dyshimin se më 11.12.2025 rreth orës 22:45, kishte ushtruar dhunë fizike dhe psikike ndaj viktimës mashkull kosovar.
