Unioni i Gazetareve shqiptare ka shprehur ngushellime gjithe familjes dhe kolegeve per ndarjen e papritur nga kjo jete te gazetarit Marin Nikolla. Ndërsa po udhëtonte nga Fieri drejt Tiranës, për të marrë pjesë në veprimtarinë vjetore të UGSH në Tiranë, ditën e martë, gazetari Marin Nikolla, pas një hemoragjie cerebrale, ndahet nga jeta në spitalin “ Nënë Tereza”.
Kanë qenë rreth 48 orë përpjekje e trupës së mjekëve për ta mbajtur në jetë, por goditja ka qenë fatale.
UGSh thekson se Marini ishte një gazetar i ri aktiv dhe me ambicie kontribuese jo vetëm në mediat e reja, kryesisht në mediat vendore në Fier, por edhe në lëmi të ndryshme të jetës publike.
“Ai përfaqësonte një qytetar model me interesa dhe vlera të qëndrueshme morale e shoqërore.
Vlerësohej nga kolegë të ndryshëm për sjelljen korekte, natyrën humane dhe sjelljet e përgjegjshme.
Spikati vitet e fundit për pasionin e vet ndaj mediave të reja duke qenë njëherësh administrator i dy online-ve, ku pati hapësirë jo vetëm për entitete të cilësishme qytetarësh por edhe për aktorë kulturorë e turistikë.
Ai ishte aktiv në jetën e UGSH qarku Fier dhe pjesëmarrës aktiv në jetën e organizarës sonë.
Marini ishte një koleg i dashur dhe që e shtonte besimin dhe respektin ndaj vetvetes”, theksoi UGSh. Me kete rast UGSh shpreh dhimbjen e anëtarëve dhe kolegëve për humbjen e një miku dhe kolegu të dashur.
Ngushëllime familjes Nikolla!
P.S: Ceremonia e lamtumirës organizohet ditën e nesërme datë 19 dhjetor ora 12.00 në Zharrëz- Fier!
