Ukraina kreu një sulm ndaj një anijeje cisternë ruse në Detin Mesdhe për herë të parë, tha një burim nga shërbimi i inteligjencës ukrainase për Reuters.
Sipas burimit, dronët ukrainas goditën tankerin Qendil, i cili është pjesë e të ashtuquajturës “flotë në hije” të Rusisë – një grup tankerësh të vjetëruar që Moska i përdor për të ruajtur eksportet e naftës bruto pavarësisht sanksioneve perëndimore.
Sulmi ndodhi në ujëra më shumë se 2,000 kilometra larg Ukrainës dhe, sipas burimit, cisterna pësoi dëme të rënda. Anija ishte bosh në kohën e sulmit. Reuters vëren se aktualisht nuk ka konfirmim të pavarur të akuzave nga burime ukrainase, as një reagim nga pala ruse.
