Të paktën tetë persona u vranë dhe afërsisht 30 të tjerë u plagosën në një sulm ushtarak rus ndaj infrastrukturës portuale në rajonin e Odesës të premten në mbrëmje, tha Oleg Kiper, kreu i administratës ushtarake.
Sipas Kiper, në sulmin masiv u përdorën raketa balistike, të cilat shkaktuan flakën e kamionëve në parking.
Sipas Shërbimit Shtetëror të Emergjencave të Ukrainës, disa nga të vdekurit dhe të plagosurit ishin në autobusin që ishte në epiqendrën e shpërthimit.
Të premten pasdite, gjatë një konference të madhe për shtyp, Presidenti rus Vladimir Putin,duke iu pergjigjur një pyetjeje në lidhje me sulmet e dronëve detarë ukrainasë ndaj anijeve të “flotës në hije” ruse në Detet e Zi dhe Mesdhe, deklaroi se ato “meritonin dënim” dhe se Rusia “padyshim do të përgjigjet”.
