Sipas njoftimit të policisë, sot njësitet e Trafikut Rajonal gjatë kontrolleve në terren kanë identifikuar në disa segmente të rrugëve nacionale sasi të mëdha të baltës, të cilat paraqesin rrezik serioz për sigurinë e trafikut, veçanërisht në kushtet e vështira atmosferike me mjegull dhe ngrica.

Ndaj personave juridikë janë shqiptuar gjoba në vlerë prej 1 mijë euro, në përputhje me legjislacionin në fuqi, ndërsa kompanitë janë obliguar që menjëherë të bëjnë pastrimin e rrugëve.

“Policia e Kosovës do të vazhdojë të jetë e përkushtuar që gjatë sezonit dimëror të veprojë pa hezitim ndaj të gjithë atyre që rrezikojnë sigurinë e trafikut dhe jetën e qytetarëve”, thuhet në njoftimin e policisë.