Një bashkëshort dhe pesë burra të tjerë janë akuzuar për një sërë krimesh të rënda seksuale kundër ish-gruas së tij, të cilat dyshohet se kanë ndodhur gjatë një periudhe 13-vjeçare në Anglinë perëndimore. Viktima, 48-vjeçarja Joanne Young, ka hequr dorë nga e drejta e saj e anonimitetit, raporton BBC .
Ish-burri i saj, 49-vjeçari Philip Young, i cili më parë jetonte në Swindon dhe tani në Enfield, përballet me 56 akuza, duke përfshirë përdhunim, administrim të një substance me qëllim dehjen për të lehtësuar aktivitetin seksual, voyeurizëm dhe posedim të imazheve të pahijshme të fëmijëve dhe materialeve ekstreme.
Është një rast që të kujton atë të Gisèle Pelicote, e cila u drogua dhe u përdhunua nga bashkëshorti i saj i atëhershëm për nëntë vjet, duke ftuar dhjetëra burra në shtëpinë e tyre të përbashkët në Provence, në mënyrë që edhe ata të mund ta përdhunonin atë.
Të gjashtë burrat në “rastin Pelicot” të Anglisë do të paraqiten në Gjykatën e Magjistraturës në Swindon të martën. Young u la në paraburgim, ndërsa pesë të tjerët u liruan me kusht. Norman Macksoni, 47 vjeç, nga Sharnbrook, i përshkruar nga policia si shtetas britanik dhe me ngjyrë, është akuzuar për përdhunim dhe posedim të imazheve ekstreme.
Hetim i gjerë
Dean Hamilton (47), pa adresë të fiksuar, i përshkruar si shtetas britanik dhe i bardhë, akuzohet për përdhunim, sulm seksual me anë të penetrimit dhe dy akuza për prekje seksuale. Conner Sanderson Doyle (31), nga Swindon, i përshkruar si shtetas britanik dhe i bardhë, akuzohet për sulm seksual me anë të penetrimit dhe prekje seksuale.
Richard Wilkins, 61 vjeç, nga Swindon, i përshkruar nga policia si britanik dhe i bardhë, është akuzuar për përdhunim dhe sulm seksual. Mohammed Hassan, 37 vjeç, nga Swindon, i përshkruar nga policia si britanik aziatik, akuzohet për prekje seksuale.
Kryeinspektori i detektivëve Geoff Smith, i Policisë së Wiltshire, e përshkroi ngritjen e akuzave si një hap të rëndësishëm në atë që ai e quajti një hetim “kompleks dhe të gjerë”. Ai gjit
