Partia Demokratike e Kosovës ka mbajtur fushatën zgjedhore edhe në Rahovec, ku ka kërkuar përkrahje për kandidatin e saj për kryeministër, Bedri Hamza.
Gjatë tubimit, banorëve të kësaj komune u premtoi, mbështetje në bujqësi, arsim, infrastrukturë dhe sfera të tjera të jetesës. Hamza deklaroi se duan një shtet ku qytetari respektohet, ku ligji është i barabartë për të gjithë dhe ku puna shpërblehet.
Kandidati i Partisë Demokratike të Kosovës, Bedri Hamza në qytetin e Rahovecit teksa i vlerësoi familjet rahoveciane si shtyllë për ndërtimin e vendit, u premtoi atyre, mbështetje në bujqësi, arsim e kushte më të mira në të gjitha sferat e jetesës.
“Si kryeministër angazhimi im do të jetë i qarte. Mbështetje për bujqësinë, prodhimin vendor, investime në infrastrukturë, arsim cilësor dhe shëndetësi dhe jetë dinjitoze për të gjithë qytetarët e Kosovës dhe të Rahovecit. Do të krijojmë kushte që të rinjtë tanë ta ndërtojnë jetën në Kosovë dhe jo ta shohin vetëm emigrimin si shpresë për jetë më të mirë. Ne duam një shtet ku qytetari respektohet, ku ligji është i barabartë për të gjithë dhe ku puna shpërblehet. Një qeveri që dëgjon, vepron dhe jep rezultate”, tha ai.
Hamza tutje shtoi se Kosova ka nevojë për një kapitull stabiliteti e shprese e cila me fitoren e tij dhe ekipet profesioniste të PDK-së do të arrihet.
“Po Rahovecin kemi me e lidhë me autostradë. Do të investojmë në Rahovec do ta përkrahin, sistemin e ujitjes, edhe me trajtimin e ujërave të zeza, infrastrukturë e nevoja të tjera. Po kemi me i rritë pagat për të gjithë: mjekë punëtor, ushtar, zjarrfikës të gjithë ata që marrin paga nga administrata e Kosovës. Rritje e pensioneve 50% në fillim të mandatit, rritje e pensioneve kontributdhënës përshkallëzim dhe rritje 50%. Për të gjitha kategoritë, kat e dala nga lufta familje të dëshmorëve 50 %, sa dëshmor ka, do pensione, invalidëve 50% shërbime shëndetësore pa pagesë për invalidët e luftës. Rritje e pensioneve dhe njohje e të drejtës për pensionet e veteranëve të luftës pa iu cenuar e drejta e punës”.
Hamza premtoi edhe uljen e tatimeve e rritjen e pagave për çka tha se e kanë bërë edhe në të kaluarën.
“Ne do ta trajtojmë energjinë si prioritet të lartë. Arsim cilësor, çerdhe dhe 100 euro për prindër që detyrohen me i qu fëmijët në çerdhe private. Do ta krijojmë fondin për bursa në vlerë 30 milionë euro në vit. Drejtësi, shëndetësi cilësore, furnizim me barna pa pagesë për të sëmurët kronik dhe pensionistet”, tha ai.
Anëtarësim në BE, NATO e organizata të tjera ndërkombëtare ishin diçka nga premtimet tjera të PDK-së në Rahovec duke u kërkuar atyre votën pasi tha se fitorja e PDK-së i gëzon të gjithë por më së shumti Hashim Thaçin e Kadri Veselin në Hagë.
