Nisma Social Demokrate, ka vazhduar fushatën zgjedhore në Prizren. Në këtë komunë, kryetari i saj, njëherësh kandidat për kryeministër, Fatmir Limaj, ka organizuar një takim me grupet vullnetare që janë angazhuar për të mbështetur këtë subjekt politik, për të qenë pjesë e Parlamentit të Kosovës, në zgjedhjet e parakohshme të 28 dhjetorit.
Kryetari i NISMA-s, Fatmir Limaj, dhe kandidatët për deputetë nga Prizreni kanë vizituar edhe disa biznese në këtë qytet.
Kryetari i Nismës Social Demokrate Fatmir Limaj, i shoqëruar nga kandidatët për deputet nga Prizreni, ka organizuar një takim me grupet vullnetare që janë angazhuar për të përcjellë mesazhet dhe qëllimet e këtij subjekti politik, për të qenë pjesë e Parlamentit të Kosovës, në zgjedhjet e parakohshme të 28 dhjetorit.
“Vota 122 ka peshë, vota në 122 praktikisht krijon diferencën, ka shumë fitore brenda 122-shit, së pari është bashkimi, bashkimi e krijon forcën dhe forca e bën ndryshimin, nëse si në Prizren edhe anekënd Kosovës të gjithë ata që me gjithë mend e donë ndryshimin e qeverisjes, mundësia me ndryshu qeverisjen është në parlament, 122 duhet të jetë në parlament, NISMA duhet të jetë në parlament. Çfarëdo veprimi tjetër nuk do të ketë ndryshim të qeverisjes”, tha Limaj.
Limaj u kërkoi ekipeve të angazhuara të NISMA-s që edhe këto ditë që kanë ngelur të fushatës, të bisedojnë me të gjithë qytetarët, për t’i mundësuar përfaqësimin e këtij subjekti politik në Kuvendin e ri të Kosovës, që do të dalë nga zgjedhjet e 28 dhjetorit.
“Dallimi ynë me të tjerët është se ju, jeni njerëz vullnetarë me zemër, me dëshirë e me bindje të plotë jeni rreshtuar këtu,misioni ynë është shumë më i madh, ne kemi një kauzë, të tjerët janë numra, ne kemi kauzën e ndryshimit, një paradoksale duket për të tjerët, por mos harroni, ndryshimi qëndron me futjen tonë në parlament”, tha ai.
Kryetari i NISMA-s Fatmir Limaj dhe kandidatët për deputet nga Prizreni, kanë vizituar edhe disa biznese në këtë qytet.
