Vjena në frymën festive është në një atmosferë përrallore. Sheshet mbajnë aromë kanelle dhe vere të nxehtë , kryeqyteti austriak mbetet qendra e vërtetë e ngjarjeve festive në Evropë. Për shumë udhëtarë, një udhëtim në Vjenë nuk është vetëm një turne në qytetin e kulturës dhe muzikës, por edhe një destinacion ideal për të festuar ditët më të lumtura të vitit.
Foto: E.K
Tregjet vjeneze të Krishtlindjeve janë të njohura për sofistikimin, elegancën dhe atmosferën e tyre. Tregu më i madh gjendet përballë Rathaus në Friedrich-Schmidt-Platz, i zbukuruar me ndriçime magjike. Vizitorët mund të mrekullohen me pemën kryesore të Krishtlindjes, percjellin koncerte dhe dhe shijojnë argëtim për të gjitha moshat, ndërsa më shumë se 200 shtepiza prej druri ofrojnë një shumëllojshmëri produktesh dhe suvenire. Për më tepër, një shesh patinazhi i madh në akull që përfshin më shumë se 3000 metra katrorë ndodhet afër. Këshillë: Blini bileta në internet për të kursyer kohë dhe para.
Foto: E.K
ne shtepiza ofrohen lloj lloj produkte nga shnicla vjeneze, salcice vjeneze, Glühëein (verë e zier vjeneze), karamele marzipan, gjevrek dhe shije të tjera të shijshme. Për dhurata ose suvenire, merrni parasysh engjëjt kristal ose biskotat e famshme të sheqerit në formë gjysmëhëne. Një gotë verë e ngrohur me erëza ose puncsh kushton nga 5 deri 8.80 euro. Nra kinderpunsch (pa alkool) nga 4 deri 5 euro. Kur të shërbëheni me filxhan akëcili lë një depozite nga 3 deri 5 euro dhe ato i merr pasi e kthen filxhanin.
Foto: E.K
Në Rathauplatz , pija organike fillon nga ~5 € dhe shkon deri ~8.50 €; më e lirë në Spitteberg ~4.80 euro. Në tregjet e Krishtlindjeve në Vjenë, ushqimet e zakonshme kushtojnë afërsisht:salsiçe tradicionale: 8 – 12 euro, biskota të ëmbla nga 5 deri 12 euro, një shportë me gështenja të pjekura 4 euro kurse ushqimet më të plota nga 20 deri 27 euro. Sipas një përmbledhjeje buxheti, një ditë me ushqim dhe pije për person zakonisht bie rreth 60 dri 80 euro. Nga gjërat artizanale ofrohen zbukurime qelqi qe janë nga 5 deri 27 euro, çokollata Mozart Kugeln nga 9 – 16 euro për kuti shallla të ndryshme nga 30 deri 65 euro. Secili duhet të dijë se duhet të kesh pak cash me vete, sepse shumë shtëpiza pranojnë vetëm para të gatshme, ndonëse ka të tilla që pranojnë pagesa me kartela. Në total, nëse dëshiron të shijosh pije + ushqim + suvenire për një ditë, mund të presësh që të shpenzosh rreth 40 – 80 euro për person . Për një akomodim një natë në hostel çmimet janë nga 40 euro, në hotele me 3 yje 80 euo, ndërsa më 4 yje 150 euro. Nëse dëshironi udhëtime më të shumta ka biletë 48 orëshe që kushton 17.10 euro për gjithë transportin në Vjenë. Ndryshe një bilet e veqantë kushton 2.40 euro.
Foto: E.K
Sheshi Rathausplatz , përpara bashkisë, është më i famshmi dhe i cili tërheq mijëra vizitorë çdo vit.
Një pemë gjigante Krishtlindjesh, mijëra dekorime dhe një pistë akulli që shtrihet përreth parkut e bëjnë këtë vend perfekt për të bërë fotografi dhe për të shijuar.
Foto: E.K
Përveç kësaj, ka edhe panaire simpatike pranë Pallatit Schönbrunn ( vendndodhja ) dhe përpara kishës së Karlit (Karlskirche) ( vendndodhja ) . Secili prej tyre ka frymën e vet të veçantë – nga punimet artizanale tradicionale dhe suveniret unike deri te tezgat me pije të nxehta dhe specialitete austriake si petulla, salçiçe dhe strudel molle.
Sharmi i veçantë i Vjenës është se atmosfera festive nuk mbaron më 25 dhjetor . Qyteti menjëherë fillon përgatitjet për natën e Vitit të Ri, dhe këtë me shumë stil.
Foto: E.K
Rrugët Ringstraße dhe Stephansplatz janë shndërruar në një skenë gjigante, dhe tonet e valseve dhe operave vjeneze vijnë nga vitrinat. Hotelet, restorantet dhe sallat e koncerteve po përgatisin programe speciale, dhe turistët mezi presin atë që i pret në ditët e Vitit të Ri paraprakisht.
Silvesterpfad – eventi më i famshëm i Vitit të Ri në Vjenë
Atraksioni dhe tradita më e madhe e natës së Vitit të Ri në Vjenë është e ashtuquajtura Silvesterpfad – “shtegu i mirëseardhjes” . Është një ngjarje që lidh disa sheshe dhe rrugë qendrore , ku janë ngritur skena me muzikë live, programe vallëzimi, shfaqje dhe shfaqje me DJ.
Në mesnatë, mijëra njerëz të mbledhur në rrugë ngrenë gotat e shampanjës , ndërsa fishekzjarrë spektakolare ndizen në qiellin mbi Prater dhe Danub .
Një traditë e veçantë është performanca e valsit “Në Danubin e bukur blu”, i cili hyn simbolikisht në çdo vit të ri dhe u kujton vizitorëve se ndodhen në qytetin e muzikës./Ereza Krasniqi
Foto: E.K
