Kryetari i Nismës Socialdemokrate, Fatmir Limaj e ka quajtur këtë të diele të zgjedhjeve, ditë të rëndësishme për demokracinë.
Pasi votoi për zgjedhjet e parakohshme parlamentare, Limaj tha se sot është dita e vendimmarrjes së çdo qytetari për ta bërë këtë shtet më të pjekur, më të fortë , më konsistent e më funksional.
“Vendimmarrja sot është në dorën e çdo qytetari për t’i dhënë një mundësi e shpresë zhvillimit të shtetit të Kosovës. Shpresoj që qytetarët e Kosovës sot do të vendosin për fëmijët tanë për këtë shtet, për forcën e shtetit, zhvillimin, funksionimin e shtetit. Mos harroni sot vendosni për 4 vjet në dorën e kujt do ta lëni Parlamentin e Kosovës dhe funksionimin e shtetit të Kosovës. Është një vendimmarrje e rëndësishme, besoj që qytetarët ta shfrytëzojnë këtë të drejtë vendimmarrjeje”, deklaroi Limaj.
