Senatori amerikan Bernie Sanders ka dënuar sulmin ndaj Venezuelës, duke e akuzuar se ka anashkaluar Kongresin për ta futur vendin në luftë. Ai tha se kjo rrezikon destabilitet global dhe ringjall një mentalitet të rrezikshëm imperialist.
“Donald Trump ka treguar, edhe një herë, përbuzjen e tij ndaj Kushtetutës dhe sundimit të ligjit. Presidenti i Shteteve të Bashkuara nuk ka të drejtë ta fusë në mënyrë të njëanshme këtë vend në luftë, edhe kundër një diktatori të korruptuar dhe brutal si Maduro. Shtetet e Bashkuara nuk kanë të drejtë, siç deklaroi Trump këtë mëngjes, ta “drejtojnë” Venezuelën. Kongresi duhet të miratojë menjëherë një rezolutë për kompetencat e luftës (War Powers) për t’i dhënë fund këtij operacioni ushtarak të paligjshëm dhe për të riafirmuar përgjegjësitë e tij kushtetuese”, thuhet në deklaratën e tij.
