Deputetja e LDK-së, Hykmete Bajrami, ka kërkuar sigurimin e fondeve emergjente për përballimin e pasojave nga përmbytjet, duke theksuar nevojën për ndihmë të menjëhershme për qytetarët e prekur.
“Qeveria duhet të sigurojë fonde emergjente, të hartojë një strategji, dhe të ndaj buxhet në buxhetin e vitit 2026 për të ndermarrë veprime konkrete për parandalimin dhe menaxhimin e situatave të tilla në të ardhmen”, ka shkruar ajo.
Bajrami ka kërkuar që secili banor i prekur të ndihmohet, çdo biznes të kompensohet, çdo bujk të mbështetet dhe çdo familje të marrë ndihmë emergjente.
Ajo ka theksuar se, meqë moti me shi po vazhdon dhe nesër priten reshje bore, ekziston rrezik për përmbytje të reja, duke kërkuar që shteti të jetë në terren dhe pranë qytetarëve në Drenas, Malishevë, Junik, Gjakovë dhe në komunat e tjera të prekura.
