Kryeministri në detyrë, Albin Kurti, ka paralajmëruar për rrezik të shtuar në qarkullimin rrugor gjatë natës, për shkak të uljes së temperaturave dhe ngrirjes së rrugëve të lagura nga shiu.
“Sonte është natë kritike sa i përket qarkullimit në rrugët e Kosovës. Kontrasti i madh i temperaturave, me parashikime që ato të zbresin deri në –9°C, paraqet rrezik të shtuar, pasi rrugët e lagura nga shiu pritet të ngrijnë”, ka shkruar Kurti.
Ai ka bërë të ditur se të gjitha kompanitë e mirëmbajtjes së rrugëve janë vazhdimisht në terren për të lehtësuar qarkullimin”, ndërsa ka kërkuar zbatim të ligjit për sezonin dimëror, përfshirë pajisjen e automjeteve me goma dimërore dhe zinxhirë.
Kurti u ka bërë thirrje qytetarëve të mos lëvizin nëse nuk e kanë të domosdoshme, ndërsa për ata që duhet të qarkullojnë, ka kërkuar vozitje të kujdesshëm duke iu përshtatur kushteve atmosferike.
“Ne po bëjmë maksimumin për t’ju dalë në ndihmë andaj edhe ju lutemi të kontribuoni në rritjen e sigurisë duke shmangur lëvizjet e panevojshme”, ka përfunduar kryeministri në detyrë.
