Kompania Rajonale e Ujësjellësit “Gjakova” ka siguruar qytetarët se uji i pijes është i cilësisë së lartë dhe plotëson të gjitha standardet e lejuara për përdorim.
Me këtë sqarim KRU “Gjakova” thotë se doli pasi ditët e fundit kanë pranuar shqetësime nga qytetarët lidhur me cilësinë e ujit të pijes, si pasojë e reshjeve të fundit.
“Ju njoftojmë se uji që monitorohet nga Stacioni i Filtrimit të Ujit, përkatësisht nga Liqeni i Radoniqit, është i cilësisë së lartë dhe plotëson të gjitha standardet e lejuara për përdorim. Aktualisht, niveli i turbullirës së ujit në ITUP është 0.35 NTU, ndërsa norma maksimale e lejuar sipas standardeve është 1.0 NTU. Si rrjedhojë, uji është i sigurt për pije dhe përdorim të përditshëm”, kanë thënë nga kjo kompani.
KRU “Gjakova” thotë se vazhdon monitorimin e vazhdueshëm të cilësisë së ujit dhe do t’i njoftojë qytetarët me kohë për çdo ndryshim eventual.
