Qeveria e PËRKOHSHME e Venezuelës shpalli dje shtatë ditë zie kombëtare për anëtarët e ushtrisë të vrarë në sulmin amerikan në Karakas, i nisur për të arrestuar udhëheqësin autoritar Nicolás Maduro .
“Kam vendosur të shpall shtatë ditë zie kombëtare në nder dhe kujtim të grave dhe burrave të rinj që sakrifikuan jetën e tyre në mbrojtjen e Venezuelës”, tha Presidentja në detyrë Delcy Rodríguez në televizionin shtetëror. Të paktën 24 ushtarë u vranë në sulmin amerikan herët të shtunën.
“Në kujtim: 24 yje nga qielli ynë bolivarian u rrëmbyen nga një dorë frikacake imperialiste”, thanë forcat e armatosura në një deklaratë të postuar në Instagram, së bashku me fotot e burrave dhe grave të ndjerë.
