Ministria e Financave, Punës dhe Transfereve ka shprehur ngushëllime për ndarjen nga jeta të Ali Sadriut, ish-ministër i Ekonomisë dhe Financave dhe ish-deputet i Kuvendit të Republikës së Kosovës.
“Me kontributin e tij të çmuar, Ali Sadriu la gjurmë të rëndësishme në zhvillimin institucional të Republikës së Kosovës. Angazhimi i tij profesional dhe publik do të mbetet pjesë e rëndësishme e historisë së vendit”, shkruhet në telegramion e ngushëllimit të Ministrisë së Financave, Punës dhe Transfereve.
Ata kanë shprehur solidaritetin dhe mbështetjen për familjen, miqtë dhe bashkëpunëtorët e tij.
Ali Sadriu ndërroi jetë sot në moshën 75 vjeçare.
