Sot në Kosovë do të mbajë mot i vranët, me intervale të reshjeve të shiut dhe borës.
Temperaturat do të jenë të ulëta, ndërsa në zonat më të larta dhe malore reshjet e borës do të jenë më të theksuara. Në disa rajone priten edhe kushte për formimin e mjegullës, sidomos në orët e mëngjesit dhe të mbrëmjes.
Temperaturat minimale do të lëvizin kryesisht rreth -1 deri në -4 gradë Celsius, ndërsa maksimalet e ditës do të arrijnë nga 2 deri në 5 gradë Celsius, varësisht nga rajoni. Era do të fryjë e lehtë deri mesatare, duke shtuar ndjesinë e të ftohtit.
“Si pasojë e reshjeve, u bëhet apel komunave dhe agjencive përgjegjëse që të jenë vigjilente, veçanërisht në zonat me infrastrukturë të dobët dhe në vendbanimet malore, pasi lokalisht mund të paraqiten vështirësi në qarkullimin normal të rrugëve dhe në komunikacion”, thuhet në njoftimin e IHMK-së.
