Presidenti i SHBA-së, Donald Trump, komentoi mbi mundësinë e një operacioni kundër Presidentit rus, Vladimir Putin , duke e krahasuar atë me veprimin e ndërmarrë nga ushtria amerikane kundër udhëheqësit venezuelian, Nicolás Maduro, i cili u arrestua dhe u nxor para gjyqit në New York.
Trump foli për këtë temë në një takim me drejtuesit e kompanive të naftës dhe gazit.Një nga gazetarët kujtoi se Presidenti ukrainas Volodymyr Zelensky kishte komentuar kapjen e Maduros, duke thënë se nëse diktatorët trajtohen kështu, Shtetet e Bashkuara padyshim e dinë çfarë të bëjnë, me një aludim të qartë për udhëheqësin rus. Gazetari më pas e pyeti Trumpin nëse “skenari venezuelian” mund të përsëritet në rastin e Rusisë.– Nuk mendoj se kjo do të jetë e nevojshme. Gjithmonë kam pasur një marrëdhënie shumë të mirë me të. Por jam shumë i zhgënjyer, u përgjigj presidenti amerikan.
Me atë rast, Trump iu referua përsëri asaj që e quajti “zgjidhja e tetë luftërave” dhe shprehu shpresën se lufta e Rusisë kundër Ukrainës do të ishte “një nga më të lehtat” për t’u zgjidhur.
Megjithatë, sipas tij, vetëm gjatë muajit të kaluar, humbjet në fushën e betejës arritën në rreth 31,000 njerëz, midis të cilëve, deklaroi ai, një numër i madh ushtarësh rusë. Ai shtoi se ekonomia ruse është “në një gjendje të keqe”.
