Një aksident trafiku i ndodhur më 3 janar 2026 në fshatin Slivovë të Graçanicës ka përfunduar me fatalitet.
Sipas raportit shtesë ditor të Policisë, viktima, një femër kosovare e cila ishte duke u trajtuar në Qendrën Klinike Universitare të Kosovës, ka ndërruar jetë më 10 janar 2026.
Aksidenti kishte ndodhur rreth orës 14:33, kur vozitësja femër kosovare, nga pakujdesia, kishte shkaktuar vetëaksident me veturë. Si pasojë e aksidentit, lëndime trupore kishin pësuar vozitësja dhe dy pasagjerë të mitur, një mashkull dhe një femër, të dy kosovarë.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti po trajtohet nga organet kompetente.
