Mbi 2 mijë e 200 lëndë ka përfunduar Gjykata Supreme gjatë vitit 2025, derisa edhe 544 ende mbeten të pakryera, nga totali prej 2 mijë e 753 lëndëve sa kishte në shqyrtim kjo gjykatë.
Supremja thotë se Gjykata Supreme thotë se shkalla e efikasitetit për vitin e shkuar është 93.21 për qind.
“Gjatë vitit 2025, Gjykata Supreme ka kryer 2.209 lëndë, derisa të pakryera rezultojnë edhe 544. Gjithsej gjatë këtij viti janë pranuar 2.370 lëndë të reja, derisa në punë kanë qenë 2.753 lëndë”, thuhet në njoftimin e Gjykatës Supreme.
Këto të dhëna janë bërë të ditura sot në seancën e parë të përgjithshme të kësaj gjykate me pjesëmarrje të gjyqtarëve, përfshirë edhe ata nga Dhoma e Posaçme e Gjykatës, aty ku unanimisht u miratua unanimisht plani i punës për këtë vit.
“Kryetari Rexhepi, bëri me dije se edhe gjatë këtij viti, unifikimi i praktikës gjyqësore do të jetë prioritet i Gjykatës Supreme dhe se për këtë qëllim do të mbahen tryeza diskutimi me gjyqtarë të Gjykatës së Apelit, Gjykatës Komerciale si dhe me gjyqtarë të Gjykatave Themelore”, thuhet në njoftimin e Gjykatës Supreme.
Tutje kjo gjykatë thotë se në funksion të unifikimit të praktikës gjyqësore, në kuadër të Gjykatës Supreme do të themelohet Zyra për Hulumtim, Publikim dhe Monitorim, e cila, sipas tyre, do të fokusohet në hulumtimin e praktikave gjyqësore nëse janë në përputhje me praktikat e Gjykatës Evropiane për të Drejta të Njeriut-GjEDNj, si dhe në monitorimin e zbatimit të praktikave të unifikuara nga Gjykata Supreme edhe në raport me gjykatat e nivelit më të ulët.
