Spitali i Përgjithshëm në Pejë ka njoftuar se gjatë vitit 2025 në këtë institucion kanë qenë mbi 13 mijë pacientë të shtrirë.
Sipas të dhënave zyrtare 94% e këtyre pacientëve të hospitalizuar kanë qenë nga komunat e rajonit të Pejës.
“Nga Peja janë shtrirë 7,424 pacientë, nga Deçani 1,484 pacientë, nga Klina 1,591 pacientë dhe nga Istogu 1,853 pacientë”, thuhet në njoftim.
“Këto shifra konfirmojnë se Spitali i Përgjithshëm në Pejë mbetet shtylla kryesore e kujdesit shëndetësor për qytetarët e rajonit, duke përballuar një volum të madh të pacientëve dhe duke ofruar shërbime spitalore për shumicën dërrmuese të banorëve të komunave përreth”, theksohet tutje në njoftim.
