Përfaqësuesi i BE-së për dialog, Peter Sorensen ka arritur në ndërtesën e Qeverisë së Kosovës.
Ai do të ketë takim me kryeministrin në detyrë, Albin Kurti.
Më pas Sorensen do të takohet edhe me presidenten Vjosa Osmani, në orën 10:00.
Vizita e Sørensenit në Prishtinë është pjesë e një turi më të gjerë në rajon, gjatë të cilit ai pritet të zhvillojë takime me nivelin më të lartë politik si në Kosovë ashtu edhe në Serbi.
Burime në Bruksel i kanë thënë RTK-së se gjatë qëndrimit në Kosovë, emisari evropian do të takohet edhe me kryeministrin në detyrë, si dhe me përfaqësues të partive opozitare.
Një ditë më pas, të enjten, Sørensen pritet të udhëtojë drejt Beogradit, ku janë planifikuar takime me lidershipin shtetëror serb, ndërsa agjenda e plotë e vizitës atje është ende në proces finalizimi.
Kjo shënon vizitën e parë të Peter Sørensenit që nga marrja e mandatit të dytë si ndërmjetësues i Bashkimit Evropian në procesin e dialogut Kosovë–Serbi.
