Ministri në detyrë i Kulturës, Hajrulla Çeku ka thënë se është shpëtuar nga rrënimi kulla e Ymer Pogës në Rogovë të Gjakovës.
“Kanë përfunduar ndërhyrjet e fazës së parë në këtë aset që i përket shekullit XVI dhe konsiderohet si një ndër kullat më të vjetra në Kosovë”, ka shkruar ai në facebook.
Çeku ka shtuar se faza përfundimtare e punimeve do të vijojë me qëllim funksionalizimin e plotë të saj.
