Disa persona u plagosën pasi një shpërthim i madh shkaktoi zjarr në një ndërtesë në qendër të Utrechtit, një nga qytetet më të mëdha holandeze, të enjten pasdite.
“Disa ndërtesa u shembën pas shpërthimit. Katër persona u plagosën dhe u dërguan në spital për trajtim”, thanë autoritetet lokale në faqen e tyre të internetit.
Zjarri ishte ende i përhapur të enjten në mbrëmje. Nuk dihet nëse ka ende njerëz brenda ndërtesës që u përfshi nga flakët, sepse nuk ishte e sigurt për zjarrfikësit të hynin.“Nuk jemi të sigurt nëse ka ende njerëz të bllokuar nën rrënoja. Policia po punon shumë për hetimin”, tha kryetarja e bashkisë Sharon Dijksma .
Autoritetet lokale thanë se kishte dëme të mëdha në këtë pjesë të dendur të qytetit, duke shtuar se shkaku i shpërthimit ishte ende i panjohur.
Banorët që u detyruan të largoheshin nga shtëpitë e tyre për arsye sigurie u akomoduan në një hotel aty pranë.
