Fëmiu të cilin e goditi vetura në Mitrovicë është jashtë rrezikut për jetë, ka njoftuar Spitali i Përgjithshëm “Dr.Sami Haxhibeqiri”.
“Fëmija është jashtë rrezikut për jetë dhe është referuar për në QKUK për konsultë të mëtejshme me specialistët e Neurokirurgjisë dhe Kirurgjisë Maksilofaciale. Lëndimet janë në pjesën e fytyrës/sinuseve, por jashtë rrezikut për jetë”, thuhet në njoftimin e spitalit.
Më tej bëhet e ditur se në bashkëpunim me ekipin e Shërbimit të Radiologjisë është kryer Tomografia e Kompjuterizuar (CT), si dhe janë realizuar analizat laboratorike. Po ashtu, është konsultuar mjeku kujdestar ortoped.
