Zëdhënësja e DHSK-së Angela Grip, në informimin javor të Dhomave të Specializuara të Kosovës, ka folur mbi zhvillimet e fundit në Gjykatë.
Ajo foli për rastin ndaj Hashim Thaҫit, Kadri Veselit, Jakup Krasniqit dhe Rexhep Selimit.
Zëdhënësja e DHSK-së Angela Grip, në konferencën javore për media tha se Trupi Gjykues urdhëroi të akuzuarit që, nëse dëshirojnë të flasin, të jenë të pranishëm në sallën e gjyqit, dhe theksoi se deklaratat politike apo komentet fyese ndaj palëve, pjesëmarrësve, dëshmitarëve ose viktimave nuk do të tolerohen.
Ajo foli edhe lidhur me vizitat për arsye humanitare .”Dëshirojmë të theksojmë se, bazuar në të drejtën ndërkombëtare për të drejtat e njeriut, korniza ligjore e Dhomave të Specializuara të Kosovës u lejon të paraburgosurve të kërkojnë të bëjnë vizitë në Kosovë për arsye humanitare bindëse, për shembull për t’i bërë vizitë një të afërmi të sëmurë shumë rëndë. Deri tani, gjykatësit e Dhomave të Specializuara kanë urdhëruar katërmbëdhjetë vizita të tilla të të paraburgosurve, të menaxhuara nga gjykata”, tha ajo.
